Goma:Abantu 8 biciwe mu modoka itwara abagenzi

Ku cyumweru tariki ya 18 Kanama 2024, imodoka itwara abagenzi muri Goma yakijweho umuriro n'abantu bataramenyekana bayirasaho amasasu kugeza ubwo abantu 8 bahasize ubuzima.

Ubu bwicanyi bwabereye mu gace ka Luhonga mu ntera ya 12 Km ugana i Sake, abatangabuhamya bavuze ko imodoka yatewe n'abantu bataramenyekana babanje kwica uwari uyitwaye, abantu 8 barapfa n'izindi nkomere zitamenywe umubare  bose bajyanwa mu bitaro bya Goma.

Ubu bwicanyi buza bwiyongera ku bundi buherutse kubera mu gace ka Kimoka hafi ya Sake kuri uyu wa Gatanu. Umwe mu bayobozi bo mu gace ka Masisi utashatse ko amazina ye atangazwa avuga ko ubu bwicanyi buri gukorwa n’urubyiruko rwiyise Wazalendo,rugamije kwambura abaturage utwabo uyu muyobozi akaba asaba Leta kugira icyo ikora kugirango aba baturage bamburwe intwaro basigeho guteza umutekano muke.