Harabura amasaha macye tukamenya uko amakipe azesurana mu gikombe cy’amahoro.

Kuri uyu wa gatanu tariki 24 mutarama 2025 ku isaha ya saa tanu n’igice z’amanwa, nibwo amakipe yakomeje muri 1/8 ndetse n’amakipe atarakinnye ijonjora ry’ibanze, azatombolana.

Ku munsi w’ejo hashize tariki 22 mutarama 2025, nibwo hasojwe imikino yo kwishyura ya 1/16 cyari kirimo amakipe atandukanye yo mu cyiciro cya kabiri ndetse n’icya gatatu.

Amakipe yakomeje mu kindi cyiciro harimo amakipe 4 asanzwe akina icyiciro cya kabiri arimo City Boys, AS Muhanga, Intare FC ndetse na Nyanza FC. Andi makipe yakomeje arimo ikipe ya AS Kigali, Amagaju FC, Musanze FC ndetse na Rutsiro FC zikina mu kiciro cya Mbere.

Muri iyi tombola izabera ku biro bamakipe agera ku munani atarakinnye ijonjora rya mbere nayo azahita yinjira mu gikombe cy’amahoro bivuze ko nayo azatomborwa.

Amakipe atarakinnye ijonjora ry’ibanze arimo ikipe ya Rayon Sports, Police FC, Gugesera FC, Gasogi United, Mukura Victory Sports, Vision FC, Gorilla FC ndetse na APR FC. Biteganyijwe ko iyi mikino izakinwa mu kwezi kwa 2 nyuma y’igikombe cy’Intwari.

Iki gikombe cy’amahoro giheruka gutwarwa n’ikipe ya Police FC itsinze Bugesera FC ibitego 2-1 ku mukino wa nyuma.