Hagaragajwe umukomando wahawe akazi ko kwivugana Corneille Nangaa

Umukomando bahaye izina rya Ndayisaba Rodrigue niwe bivugwa ko yahawe akazi ko kwivugana umuhuzabikorwa w'ishyaka AFC (Alliance Fleuve Congo),Bwana Corneille Nangaa.

Uyu mugabo bivugwa ko ari umurwanyi muto wo muri Wazalendo, yahawe ibikoresho bihanitse kugirango asoze akazi ke k'ubugizi bwa nabi nkuko byatangajwe kuri X na Simaro Ngongo, Impuguke mpuzamahanga/ Umusesenguzi n'umujyanama mu micungire y'amatora.

Amakuru y'ibanga avuga ko we n'itsinda rye bamaze gucengera ahantu hibanga ho muri Teritwari ya Rutshuru kugirango bakurikirane abayobozi bamwe ba AFC/M23 cyane Corneille Naanga.

Gusa Simaro Ngongo avuga ko ubu ari uburiganya bukora ibitangaza ku begereye Tshisekedi bakabukuramo amafaranga atabarika ava mu kigega cya Leta ya Congo.

Ibi bibaye nyuma y'ibindi bisa nabyo ubwo uwitwa Mbusa Nyamwisi wari wibye miliyoni 4 z'amadolari  ayakuye kuri Tshisekedi avuga ko ari mu rwego rwo gukemura byihuse ikibazo cyo mu Burasirazuba bwa Congo.

Uyu rero ngo ni ikindi gikinisho cyahawe imbunda ya ba mudahusha ngo bivugwe ko Leta ya Congo hari icyo iri gukora kugirango umutekano ugaruke mu Burasirazuba bwa Congo.