Gakenke:Abantu bataramenyekana batwitse moto y'umuyobozi w'ishuri

Abagizi ba nabi bataramenyekana bateye urugo rw'umuyobozi w'ishuri ribanza rya EP Muhondo witwa Birege Malachie bamwiba moto ndetse bayitwikira hafi y'urugo rwe.

Ibi byabaye mu ijoro ryo ku wa Gatatu bibera mu Mudugudu wa  Nkesi mu Kagali ka Muhondo Mu Murenge wa Muhondo mu Karere ka Gakenke.

Umunyamabanga Nshingwabikorwa w'Umurenge Muhondo Gasasa Evariste yatangaje ko kugeza ubu RIB yatangiye iperereza ngo hafatwe ababigizemo uruhare.

Ati"Birega Malachie hari ahantu yabikaga moto yagendagaho abantu bataramenyekana baza kuyikuramo bayitwikira nko muri metero 800 uvuye aho hantu.

Uyu muyobozi yasabye abaturage ko bakwirinda gufata ibintu bitari ibyabo bakareka ubugome n'ubugizi bwa nabi.