Bisi ya PSG yasize Kylian Mbappe ku kibuga nyuma yo gutsindwa na Dortmund 

Amakuru akomeje kuvugwa nuko Umukinnyi wa Paris Saint-Germain Kylian Mbappe yasizwe ku kibuga na Bisi y'iyo kipe igatwara abandi bakinnyi ariko we agasigara,ni  nyuma yuko bari bamaze gutsindwa na Borussia Dortmund mu mukino wa 1/2 cya UEFA Champions Leauge maze bagataha bababaye.

Uwo mukino wabaye ku wa Gatatu ubwo PSG yatsindwaga na Dortmund igitego 1-0 cyatsinzwe na Niclas Fullkrug cyahaye iyo kipe insinzi ikomeye cyane.

Nyuma y'uyu mukino Mbappe yatinze muri Stade ya Signal Iduna Park mu gihe bagenzibe bahise berekeza ku kibuga cy'indege kugirango berekeze i Paris.

Ikinyamakuru Le Parisien cyivugako umukino ukirangira Mbappe yahise asabwa gupimwa bitunguranye ko adakoresha ibiyobyabwenge ariko amaherezo yaje kujyana na begenzibe basubira i Paris.

Amakuru akomeza avugako Mbappe yatwawe n'imodoka yigenga nyuma yo gutinda muri iri suzuma ritunguranye.

Muri uyu mukino batsinzwemo na Dortmund Mbappe yabonye amahirwe menshi yo gutsinda ariko nti yayabyaje umusururo kuko hari umupira yateye ugarurwa n'igiti cy'izamu.

Biteganijweko uyu musore w'imyaka 25 azinjira muri Real Madrid mu mpeshyi agakinana n'abakinnyi nka Jude Bellingham na Endric i Bernabue.