Bidasubirwaho M23 yigaruriye ikibuga cy’indege cya Goma.

Ikibuga cy’indege cya Goma, kimwe mu bifatiye runini mu bikorwa by’ubwikorezi n’ubukungu mu Ntara ya Kivu y’Amajyaruguru, cyafashwe n’umutwe wa M23, bikomeje guteza impungenge ku mutekano mu karere k’Ibiyaga Bigari.

Lt. Col. Willy Ngoma, umuvugizi w’uyu mutwe, yagaragaye ahagaze n’abandi basirikare ku kibuga cy’indege, bigaragaza ko iki kigo cy’ingenzi ubu kiri mu maboko yabo.

Iki gikorwa cyibajijweho cyane mu ruhando mpuzamahanga, aho abakurikiranira hafi bemeza ko M23 yarenze ku masezerano y’amahoro yagiye ageragezwa inshuro nyinshi ariko agapfuba.

Kuba iki kibuga cy’indege kiri mu maboko y’umutwe wa M23 bishobora guhungabanya ibikorwa by’ubucuruzi no kwambutsa ibicuruzwa muri Kivu y’Amajyaruguru.