Amajyepfo:Abayise 'abahebyi' bakora ubucukuzi butemewe bw'amabuye y'agaciro bahagurukiwe

Abayise 'Abahebyi' bakora ubucukuzi butemewe bw'amabuye y'agaciro bo mu Ntara y'Amajyepfo bahagurukiwe,ibyo ni ibyatangajwe na Giverineri w'Intara y'Amajyepfo Kayitesi Alice ubwo yagiranaga ikiganiro n'itangazamuru.

Ubucukuzi butemewe bw'amabuye y'agaciro bukorwa n'abiyise "Abahebyi" bwafashe indi ntera  kuko ibirombe 89 by'amabuye y'agaciro bihari muri byo 43 bicukurwa mu buryo butemewe n'amategeko.

Guverineri w'iyo Ntara Kayitesi Alice yatangajeko bahagurukiye abakomeje kwishora muri ibyo bikorwa bitemewe by'ubucukuzi bw'amabuye y'agaciro.

Ati"Ubucukuzi butemewe n'amategeko bw'amabuye y'agaciro bukorwa mu turere dutandukanye ariko aho byiganje ni mu turere twa Muhanga na Kamonyi.

Mu Mwaka ushize wa 2023 ikigo cy'igihugu  gishinzwe Mine ,Peteroli na Gaze (RMB) cyakoze ubugenzuzi ku hantu 109 hakorwa ubucukuzi bw'amabuye y'agaciro mu buryo butemewe mu rwego rwo ku hamenya kugirango ibyo birombe babihe abakora ubucukuzi mu buryo bukurikije amategeko.

Guverineri Kayitesi yakomeje agira ati" Twakoranye inama n'abakora ubucukuzi bw'amabuye y'agaciro, abayobozi b'uturere ndetse n'abashinzwe ubucukuzi bwayo, akanama gashinzwe ubucukuzi bw'amabuye y'agaciro katwemereyeko kiyemeje gusuzama icyifuzo cyacu no gukurikirana vuba niba abujuje ibisabwa bafite impushya.

RMB itangazako mu myaka 5 ishize ibikorwa by'ubucukuzi bw'amabuye y'agaciro butemewe n'amategeko bwishe abantu bagera kuri 429 abandi 272 barakomereka.

Mu 2018 gusa ubwo bucukuzi bwahitanye abantu 60, mu 2019 buhitana 84,mu 2020 buhitana 71,mu 2021 buhitana 61 mu gihe mu 2021 abapfuye bageze kuri 61.

Guverineri Kayitesi yavuzeko mu turere twose tugize Intara y'Amajyepfo hashizweho uburyo bwo kugenzura ibikorwa nk'ibyo bitemewe n'amategeko mu rwego rwo kubikumira no kubica burundu.

RMB itangazako mu mwaka wa 2023 amafaranga akomoka ku mabuye y'agaciro u Rwanda rwinjije yiyongereye ava kuri miriyoni 772$ mu 2020 agera kuri miriyari zisaga 121$  ni ukuvugako yiyongereyeho 43%.