Abasaza barwaniye igisirikare  cya Isreal (IDF) baravuga ko  batereranywe 

Umutwe  wa  Hamas wasohora amashusho y'umunota umwe, yiswe ni muturekure nti dusazire Hano.

Hamas yashyize ahagaragara amashusho y’abasaza batatu bo muri Israel bajyanywe bunyago basaba ko hagira  igikorwa bagahita barekurwa.

Aba basaza bagaragajwe n'abayobozi ba  Hamas   ni Chaim Peri w'imyaka 79, Yoram Metzger w'imyaka 80 na Amiram Cooper w'imyaka 84 ,bajyanywe muri Gaza ku ya 7 Ukwakira 2023   ubwo Hamas yagabaga ibitero kuri Israel, bigahitana abantu 1.147 hafatwa bugwate abagera ku 240.

Hafi ya kimwe cya kabiri cy’abashimuswe  bararekuwe mu gahenge katanzwe  mu rwego rwo guhererekanya imfugwa z'Abanya-Pelesitine ndetse n'abashimuswe ba Israel.

Muri iyo videwo, uwitwa Peri wari   wicaye hagati y’abandi basaza babiri bajyanywe bunyago, yavuze  mu giheburayo ko afunzwe ari kumwe n’abandi bageze mu za bukuru bafashwe bugwate bafite uburwayi budakira kandi ko ubuzima bwabo bumeze nabi.

Ati: "Turi ibisekuru byubatse urufatiro rwo kurema Israel twebwe twatangije igisirikare cya IDF ntabwo twumva impamvu twatereranywe hano, ibi yabivuze yerekeza amaso ku ngabo za Israel. 

Iyo videwo isozwa n'abasaza batatu bavugira icyarimwe bati  "ni muturekure nti dusazire hano".

Yanditswe na  Elysee  Niyonsenga