Perezida w'u Rwanda n'uw'Ubufaransa baganiriye byinshi binyuze kuri telefone
Ibiro by'umukuru w'igihugu Village Urugwiro byatangajeko Perezida Paul Kagame yagiranye ibiganiro na Perezida w'Ubufaransa Emmanuel Macron kuri telefone baganira ku ngingo zitandukanye ndetse baganira ku kibazo cy'umutekano muke gikomeje gukomera mu Burasirazuba bwa Congo.
Inshuro nyinshi iyo Perezida w'u Rwanda ndetse na Perezida wa DRC bagiranye ikiganiro n'umuyobozi runaka biragoye ko icyo cyiganiro cyarangira badakomoje ku cyibazo cy'intambara mu Burasirazuba bwa Congo.
Ibyo byose biterwa nuko DRC ishinja u Rwanda kuba arirwo ruri inyuma y'ibibi byose bihabera kuko u Rwanda rushinjwa gutera inkunga no gufasha umutwe wa M23, ibyo u Rwanda rubihakanira kure.
Nubwo Repubulika Iharanira Demukarasi ya Congo ishinja u Rwanda gukorana na M23 u Rwanda narwo rushinja DRC gufasha no guha intwaro umutwe wa FDLR ugizwe n'abasize bakoze Jenoside mu Rwanda ndetse ukaba ufatanya na Wazalendo mu guhangana n'umutwe wa M23.
U Rwanda ni kimwe mu bihugu byumva icyo M23 irwanira kuko ruri mu bihugu bicumbikiye impunzi nyinshi zakuwe mu byazo n'abo mu mutwe wa FDLR kuri ubu nabo bari mu ihuriro rirwanya M23.
Ibiro by'umukuru w'igihugu bibinyujije ku rubuga rwa X byatangajeko Perezida w'u Rwanda Paul Kagame na Emmnauel Macron w'Ubufaransa bagiranye ibiganiro by'ingirakamaro aho baganiriye ku bufatanye bw'ibihugu byombi.
Abasesenguzi bemezako umubano w'u Rwanda n'Ubufaransa usigaye umeze neza nyuma y'uko igihugu cy'Ubufaransa cyemeye uruhare cyagize mu ikorwa rya Jenoside yakorewe Abatutsi mu 1994 icyakora ngo Ubufaransa buracyagenza make mu guta muri yombi abagize uruhare muri jenoside yakorewe Abatutsi mu Rwanda.
Comments
No comments
Leave a comment
www.ijambo.net is a product of YIRUNGA LTD.
We are here to provide with our professionals in advertisement and news so that our partnership will take your business one step ahead/
We focus on simplicity advertisement.
contact us/Twandikire
Rwanda,Western Province,Rubavu District,Kivumu cell
phone: 0781000112 / 0788989706
email: info@ijambo.net
Digital Marketing & Advertising
Social Media consultancy
Public Advertisement and Announcements
Branding and Promotion
Media Relation
Documentaries & Photography
Graphic design
Live streaming
Marketing campaign
Event management and Organising
Online Radio and TV
Community show