Mu munyenga w’urukudo Benny Blanco yambitse impeta ya fiançailles Selena Gomez.

Umuhanzikazi akaba n’umukinnyi wa filime w’umunyamerika Selena Gomez, ari mu byishimo bisendereye nyuma y’uko umukunzi we Benny Blanco amwambitse impeta ya fiançailles amusaba ko bazashyingiranwa.

Selena Gomez niwe ubwe witangarije aya makuru, aho yagiye ku mbuga nkoranyambaga ze ashyiraho amafoto agaragaza ko yambitswe impeta arangije arandika ati “Guhera ubu ni ubuziraherezo.”

Gomez na Benny Blanco bamaze igihe cy’umwaka urenga mu munyenga w’urukundo, dore ko ibyabo byamenyekanye mu Ukuboza 2023, ariko bakaba bari bamaze amezi atandatu bakundana mu ibanga rikomeye.

Uyu muhanzikazi yambitswe impeta mu gihe gashize imyaka itandatu atandukanye na Justin Beiber bakundanye imyaka igera ku Munani yose ndetse bagasiga inkuru y’urukundo rwabo mu myidagaduro y’Isi.

Beiber na Gomez abatangiye gukundana mu 2010 ubwo bari bakiri abana bato bari kuzamuka mu muziki, nyuma y’uko mu 2018 batandukanye Justin Beiber agahita ashaka na Hailey Beiber baheruka no kubyarana imfura.