Botswana yateye utwatsi ubusabe bw'Ubwongereza bwo kohereza abimukira muri icyo gihugu

Minisitiri w'ububanyi n'amahanga wa Botswana Lemogang Kwape yatangajeko bamaganiye kure ubusabe bw'Ubwongereza bwo kwakira abimukira baturutse muri icyo gihugu ariko ku mpamvu zabo bwite.

Ibyo yabitangaje ku wa kabiri tariki ya 23 Mata 2024, ubwo yari mu kiganiro cyatambutse kuri sheni ya televiziyo yo muri Afurika y'Epfo.

Lemogang yavuzeko igihugu cy'Ubwongereza cyiyambaje Botswana kugirango yakire abimukira bari kwirukanwa mu Bwongereza ariko ubwo busabe buhita baterwa utwatsi.

Televiziyo Newzroom Afrika yaganiriye na Minisitiri Lemogang yatangajeko  uyu muyobozi yavuzeko Botswana yo yanze ubwo busabe bwari bwatanzwe na Minisitiri w'ububanyi n'amahanga w'Ubwongereza hamwe na Minisitiri ushinzwe Afurika binyuze mu nzira ya demukarasi.

BBC itangazako gahunda y'Ubwongereza yo kwirukana abimukira muri icyo gihugu yagombaga  gukorerwa mu bihugu birimo Armenia, Coted'Voire, Costa Rica na Botswana.

Ni mu gihe u Rwanda rwo rwiteguye kwakira abimukira bagomba guturuka m'Ubwongereza nyuma yuko inteko Inshingamategeko y'Ubwongereza yemeje uyu mushinga wari umaze igihe warahuye n'inzitizi.