UEFA Champions League: Amakipe y’ibigugu yatashye yimwiza imoso.

Kuri uyu  wa 3, tariki ya 2 Ukwakira 2024 hari hakomeje Imikino y’Umunsi wa Kabiri w’Irushanwa rya UEFA Champions League rihuza amakipe yabaye aya imbere iwayo ku Mugabane w’u Burayi,  yasize habayeho gutungurana gukomeye aho Lille yatsindiye  kukibuga cyayo ikipe ya  Real Madrid igitego 1-0 naho  Aston Villa yariri  ku kibuga cyayo byatumyeitsinda Bayern Munich igitego kimwe ku busa.

Iyi kipe ya Real Madrid ifite igikombe giheruka,  ntiyigeze  yoroherwa  n’umukino  wabereye  mu gihugu  cy’u Bufaransa.

Igitego cyatsinzwe na Jonathan David kuri penaliti yabonetse mu minota y’inyongera y’igice cya mbere, ni cyo cyahesheje intsinzi iyi kipe ya Lille.

Real Madrid  yari imaze gukina imikino 14 yose idatsindwa  muri UEFA Champions League, kubera ko  yaherukaga gutsindwa muri Gicurasi umwaka ushize wa 2023.

Mu yindi mikino yabaye, Jhon Durán yafashije Aston Villa gutsinda Bayern Munihc igitego 1-0 ku munota wa 79, ihagarika urugendo rw’imikino 41 iyi kipe yo mu Budage yari imaze idatsindwa mu matsinda cyangwa imikino ibanza itari iyo gukuranwamo muri  UEFA Champions League.

Girona yatsinzwe na Feyenoord ibitego 3-2, Shakhtar Donetsk inyagirwa na Atalanta 3-0 naho Benfica yihererana Atlético Madrid iyitsinda ibitego 4-0.

Dinamo Zagreb yanganyije na AS Monaco ibitego 2-2, Liverpool itsinda Bologna ibitego 2-0, RB Leipzig itsindwa na Juventus y’abakinnyi 10 ibitego 3-2 mu gihe Sturm Graz yatsinzwe na Club Brugge igitego 1-0.

Nsengimana Donatien.