The Ben, Mutesi Jolly, Dj Sonia, Scovia na Bwiza barahabwa amahirwe yo kwegukana Zikoma Africa Awards.

Ibi byamamare uko ari 5  ni byo biri guhatanira ibihembo ngarukamwaka bizwi nka ‘Zikoma Africa Awards’ bitangirwa muri Zambia.

Umuhanzi The Ben na Bwiza bazwi mu muziki nyarwanda, aho bamenyekanye mu ndirimbo nyinshi  ziririmbanwe ubuhanga budasazwe  bigatuma benshi babakundira ibihangano byabo.

Dj Sonia na we ni umuvanga miziki uzwiho ubuhanga buri hejuru mu kuvangavanga imizi nyandwanda ndetse n’iyo hanze. Hari kandi n’umunyamakuru Umutesi Scovia na we wamenyekanye mu kuvugira rubanda cyane cyane  igitsina gore, hari kandi na Mutesi Jolly wabaye Nyampinga w’u Rwanda. akaba ari na we ufite igihembo giheruka.

Mutesi Jolly ahatanye mu cyiciro cya ‘Best Zikomo Social Impact’ nk’umwe mu bakoze ibikorwa by’ingirakamaro.

The Ben ahatanye mu cyiciro cya ‘Best Zikoma Male artist of the year’ (umuhanzi w’umwaka w’umugabo witwaye neza kurusha abandi).

Bwiza ahatanye mu cyiciro cya Best Zikoma Female artist of the year (Umuhanzikazi wahize abandi umwaka wose ku rwego rwa Afurika).

Mutesi Scovia ahatanye mu cyiciro cya ‘Best Zikoma Inspirational women of the year’ ndetse na DJ Sonia uri mu cyiciro cya Best Zikoma Female DJ of the Year.

Nsengimana Donatien.