Ruhango:Undi munyeshuri yishwe n’ibicurane bamwe barakeka ko ari Covid-19

Nyuma y’iminsi mike umunyeshuri wo mu Karere ka Nyanza apfuye bigakekwako ari ibicurane,undi wo mu Karere ka Ruhango nawe yapfuye yishwe n’ibicurane, abantu benshi bakomeje kubyibazaho.

Uyu munyeshuri witwa Aimee Iradukunda Christiane yigaga ku ishuri rya Groupe Scolaire Ndangaburezi  Ruhango akaba yari amaze iminsi yaroherejwe iwabo nyuma yo kubona arushaho kuremba.  

Aimee Iradukunda yari umwe mu banyeshyuri 72 bajyanwe mu bitaro mu cyumweru gishize bakekwaho Covid-19 kubera ibimenyetso bitandukanye bari bafite birimo inkorora kuribwa mu mutwe ndetse n’umuriro.

Hashize iminsi hirya no hino mu gihugu hari amakuru avuga ko ibyo bicurane bishya bimaze gufata abantu benshi hari aho byaba bihuriye na Covid-19.

Minisiteri y’ubuzima yahakanye ayo makuru ivuga ko hakiri gukorwa igenzura kandi ko igihe haba hari andi makuru mashya abonetse abaturage bahita bayamenyeshwa.