Rihanna yerekanye inda ye muri Meta Gala 2025! Ese uyu mwana wa gatatu ni umukobwa koko?

Mu birori bikomeye bya Meta Gala 2025 byabereye i New York ku mugoroba wo ku wa mbere, umuhanzikazi w’icyamamare Rihanna yongeye kwigarurira imitima y’abatari bake ubwo yageraga ahabereye ibirori yambaye imyambaro yihariye itunganyije ku buryo igaragaza ko atwite inda ya gatatu.

Yari kumwe n’umugabo we ASAP Rocky, basanzwe bafitanye abana babiri b’abahungu, maze batambuka ku itapi itukura bakirwa n’amashyi menshi n’ibyishimo by’imbaga y’abanyamakuru n’abakunzi babo. Rihanna, wagaragaye mu mwambaro w’umweru ugaragaza itako rimwe n’inda ye, yahise aba ikiganiro cy’ijoro hose ku mbuga nkoranyambaga.

Mu kiganiro kigufi yahaye abanyamakuru, Rihanna yemeje ko atwite umwana wa gatatu ariko yanga gutangaza igitsina cy’uwo mwana. Gusa, hari amakuru yatangiye gukwirakwira ku mbuga zitandukanye avuga ko hari ibimenyetso by’uko ashobora kuba atwite umukobwa, ibintu byatangiye gutera amatsiko abakunzi be. Ibi bivugwa hashingiwe ku mwambaro w’umweru wagaragaragamo udusaro dutukura no ku miterere y’inda, ibintu bimwe na bimwe abemera imyizerere ya kera bafatiraho basobanura igitsina cy’umwana.

“Nishimiye cyane kuba ndi hano uyu munsi kandi mfite urundi rwiyunge rudasanzwe rw’urukundo no kuba mama,” ayo ni amagambo Rihanna yavuze, atuma abantu barushaho kwishimira itangazo rye ridasanzwe.

Mu myaka ishize, Rihanna yahoraga abazwa igihe azabyarira umukobwa, dore ko abana be babiri ba mbere ari abahungu. Benshi baribaza niba uyu mwana wa gatatu yaba ari we mukobwa w’igitangaza yahoraga yifuzwa n’abakunzi be.

Kugeza ubu, ntacyo Rihanna cyangwa ASAP Rocky baratangaza ku izina cyangwa igitsina cy’uwo mwana. Ariko uko iminsi ishira, amatsiko akomeza kwiyongera.

Nsengimana Donatien |Ijambo.net