Nyaruguru: Abayobozi babiri b’Akarere batawe muri yombi, Menya impamvu

Urwego rw’Igihugu rw’Ubugenzacyaha (RIB) rwatangaje ko rwataye muri yombi abayobozi babiri b’Akarere ka Nyaruguru bakekwaho kunyereza umutungo wa Leta no gukoresha inyandiko mpimbano.

Itangazo rya RIB ryo ku wa 21 Werurwe ryagaragaje ko abakekwa ari Leon Ndungutse, Umuyobozi ushinzwe ibikorwa rusange mu Karere ka Nyaruguru, na Arthur Amahe, ushinzwe imibereho myiza y’abaturage muri ako karere.

Aba bombi bakekwaho kunyereza amafaranga asaga miliyoni 3.3 z’amafaranga y’u Rwanda, yari agenewe gahunda yo kurwanya ubukene izwi nka VUP mu mirenge 12 igize Akarere ka Nyaruguru.

Kuri ubu bafungiye kuri Sitasiyo ya RIB ya Kibeho mu Karere ka Nyaruguru, mu gihe dosiye yabo igikorwa kugira ngo ishyikirizwe Ubushinjacyaha.