Nyanza:RIB yataye muri yombi umukozi wo mu rugo ukekwaho kwiba umwana

Urwego rw'igihugu rw'ubugenzacyaha RIB rwataye muri yombi umukozi wo mu rugo ukekwaho kwiba umwana w'umuhungu w'umwaka umwe n'igice amwibye mu rugo yakoreragamo ubwo  nyina atarahari.

Ibi byabereye mu Karere ka Nyanza mu Murenge wa Kibirizi mu Kagali ka Mututu mu Mudugudu wa Gatongati.

Amakuru avuga ko umukozi wo mu rugo afite imyaka 16, yakoraga  mu rugo rwo mu Karere ka Gisagara mu Murenge wa Mamba mu Kagali ka kabumbwe mu Mudugudu wa Kabuga.

Amakuru avuga ko uwo mukozi akimara kwiba uwo mwana yahise amujyana mu Karere ka Nyanza mu Murenge wa Kibirizi mu Kagali ka Mututu mu Mudugudu wa Gatongati Kuberako ariho nyina w'uwo mukozi acumbitse.

Nyina w'umwana amaze kumubura yahise atangira kumurangisha maze aza kumubona,RIB ita muri yombi uriya mukozi nubwo ataratangaza impamvu yamuteye kwiba umwo mwana.

Ubwo UMUSEKE wageragezaga kuvugisha ubuyobozi bwo muri ako gace nti byashobotse.