Nyamagabe:umugabo akurikiranyweho gusambanya umwana we w’imyaka  itatu.

Umugabo ukomeje kuvugwaho na benshi wo mu Karere ka Nyamagabe mu murenge wa Munini Akagari ka Giheta mu Mudugudu wa Mashya,akurikiranyweho n’urukiko gusambanya abana be babari umwe w’imyaka itatu na mukuruwe w’imyaka itanu.

Ubushinja cyaha buvuga ko ibi byabaye mu kwezi gushize ubwo nyina w’abana yari yaragiye mu ruzinduko mu karere ka Huye, nyuma y’iminsi ibiri agarutse murugo ubwo yozaga umwana we muto,yamubwiye ko ababara yatangiye kujya abona ibisa n’amashyira mu gitsina cy’umwana,nibwo ku musaba kumusobanurira uko byagenze.umwana umubwirako ari Se washize urutoki mu gitsina cye.

Ubi byashimangiwe na mukuru we w’imyaka  itanu wavuze ko nawe yabikorewe na Se umusanze mu icyumba cye.

Umugore w’uyu mugabo avuga ko yigeze guhamagarwa n’umugabo we yasinze mu masaha ya saa kumi za mu igitondo amuha umwana w’imyaka itanu ngo bavugane, niko kumubaza impamvu yakanguye umwana ayo masaha amubwira ko ariwe mugore yasigaranye.

Mu gitabo cy’amategeko ahana ibyaha mu Rwanda,icyaha cyo gusambanya umwana gihanwa n’ingingo ya 4 y’itegeko No 68/2019 ryo kuwa 08/11/2019 rihindura itegeko No68/2018 ryo kuwa 30/08/2018 iri tegeko riteganya ko iyo umuntu asambanije umwana uri munsi imyaka 14 ,igihano kiba igifungo cya burundu kandi kidashobora kugabanywa .