Umugabo yiyiciye umwana we w’amezi 8 amukubise umwase mu gihorihori.

Ubushinjacyaha ku Rwego Rwisumbuye rwa Huye bukurikiranye umugabo w’imyaka 38 wishe umwana we w’amezi 8 amukubise umwase mu mutwe agahita apfa.

Ibyo byabaye ku itariki ya 09 Ugushyingo 2024 mu gihe cya saa sita zijoro mu mudugudu wa Kinyonzwe, akagari ka Zivu, umurenge wa Save ho mu karere ka Gisagara, nyuma y’uko umugore we atashye mu gicuku yasinze byaje guteza gushyamirana binarangira bafatanye mu mashati.

Mu ibazwa rye, uregwa avuga ko yatonganye n’umugore we amubaza impamvu atashye igicuku yasinze bakarwana, umugore agasohoka akajya hanze, hanyuma akamusangayo akamukubita umwase ukamuhusha ugahamya umwana yararimo konsa mu gihorihori.

Icyo itegeko riteganya.

Icyaha akurikiranyweho kiramutse kimuhamye yahanishwa igihano cy’igifungo cya burundu, nk’uko biteganywa n’ingingo ya 107 y’Itegeko nº 68/2018 ryo ku wa 30/08/2018 riteganya ibyaha n’ibihano muri rusange.

Nsengimana Donatien.