Muhanga:Uwari umukozi muri Hoteri yasanzwe mu muferege yapfuye
Niyonsaba Emmanuel w'imyaka 30 y'amavuko wakoraga muri Hoteli Saint André yasanzwe mu muferege utwara amazi yashizemo umwuka.
Niyonsaba yari atuye mu mudugudu wa Gihuma, Akagali ka Gahogo Umurenge wa Nyamabuye mu Karere ka Muhanga.
Amakuru dukesha UMUSEKE avuga ko ejo hashize ku wa mbere tariki ya 12 Kanama yari afite konji y'akazi ajya gusangira icupa n'uwo bakorana, mu masaha ya nimugiroba amusezeraho amubwira ko agiye mu rugo.
Umugore wa Nyakwigendera ngo yamutegereje ijoro ryose ariko ntiyamubona , mu gitondo nibwo yahamagawe bamubwira ko batoranguye umurambo we muri rigole.
I saa saba z'ijoro zo kuri uyu wa kabiri nibwo umurambo wa nyakwigendera watoraguwe mu Mudugduu wa Nyarucyamu ya 3 ho mu Kagali ka Gahogo.
Bikekwako Nyakwigendera yaba yishwe,bityo ko abamwishe bamutegeye mu nzira ataha baza gushyira umurambo we muri rigole kugirango bawubone bavuge ko yaguye muri rigole yasinze.
Nubwo bivugwa ko yaba yishwe, nta rwego na rumwe rwa Leta ruremeza cyangwa ngo ruhakane aya makuru.
Bamwe mu baturage babashije kugera mbere ahabereye iri sanganya bavuze ko basanze Niyonsaba yakubye ijosi aryameye muri rigole.
Abokoranaga na Niyonsaba nabo bavuze ko batunguwe cyane n'urwo rupfu kuko nta burwayi yari afite.
Niyonsaba Emmanuel asize Umugore n’umwana umwe umurambo we bavuze ko ugiye kujyanwa mu buruhukiro bw’Ibitaro bya Kabgayi.
Comments
No comments
Leave a comment
www.ijambo.net is a product of YIRUNGA LTD.
We are here to provide with our professionals in advertisement and news so that our partnership will take your business one step ahead/
We focus on simplicity advertisement.
contact us/Twandikire
Rwanda,Western Province,Rubavu District,Kivumu cell
phone: 0781000112 / 0788989706
email: info@ijambo.net
Digital Marketing & Advertising
Social Media consultancy
Public Advertisement and Announcements
Branding and Promotion
Media Relation
Documentaries & Photography
Graphic design
Live streaming
Marketing campaign
Event management and Organising
Online Radio and TV
Community show