Manishimwe Djabel yasobanuye impamvu yangiwe kwinjira muri Algeria

Umukinnyi w’Amavubi, Manishimwe Djabel, yasobanuye icyatumye yangirwa kwinjira muri Algeria ubwo yerekezagayo kwifatanya na bagenzi be mu mikino ya gicuti. Djabel yavuze ko yabwiwe ko afite ibihano bimubuza kwinjira muri icyo gihugu mu gihe cy’imyaka itanu, nyuma yo kurenza igihe cya Visa atabizi ubwo yakinaga muri USM Khenchela yo muri Algeria.

Ubuyobozi bw’iyi kipe bwari bwijeje ko bwatangiye ibyangombwa byo kumwongererera Visa, ariko byarangiye atabibonye kandi yirukanywe nabi. Icyemezo cy’ibihano cyafashwe n’urukiko rukuru rwa Algeria, ariko Djabel yavuze ko atigeze abimenyeshwa, akavuga ko agiye gukurikirana inzira zo kubisobanukirwa no gushaka uko byakurwaho