Kenya: Visi Perezida Rigathi ari mumazi abira nyuma yuko urukiko rwemeje ko agomba kweguzwa.

Kuri uyu wa Gatatu tariki ya 16 Ukwakira 2024, urukiko rukuru  rwa Kenya rwemeje  ibirego byo gushinja Visi Perezida Rigathi Gachagua ko byemejwe, bityo akaba agomba gukurwa ku mirimo ye.

Urur rukiko rw’ikirenga rwanasobanuye ko  hari gutegurwa uburyo Sena yatora ko yakwirukanwa muri iki cyumweru muri Guverinoma ya Kenya.

Ejo ku wa Kabiri hari hategerejwe umwanzuro w’Urukiko rw’Ikirenga wo kwemerera Abasenateri gukora, bakemeza ko Gachagua yeguzwa mu nshingano ze.

Mu minsi ya shize twari twabagejejeho inkuru ivuga ko, Inteko Ishinga Amategeko ya Kenya yatoye ishinja  Visi Perezida ibirego 11 birimo ruswa, guhungabanya Guverinoma, gukurura urwango rushingiye ku moko n’ibindi ariko  Gachagua yahakanye ibyo aregwa byose yivuye inyuma avuga ko arengana.

Icyo visi Perezida Gachagua avuga.

Gachagua avuga ko icyifuzo cyo kumweguza gishyigikiwe n’Abadepite batavuga rumwe n’ubutegetsi kandi gishingiye ku binyoma bya  politiki nk’uko bigaragara mu nyandiko z’urukiko zabonywe n’Ibiro Ntaramakuru by’Abongereza, Reuters, ahari na bo dukesha iyi nkuru.

Umwanzuro w’uru rukiko uramutse ushyizwe mu bikorwa Gachagua  agakurwa ku mirimo ye,ni we Visi Perezida wa mbere mu mateka ya Kenya waba wegujwe n’Inteko Ishinga Amategeko, Umutwe w’Abadepite.