Jeanette Kagame asanga abakobwa bakwiye guhabwa umwanya mu bafata ibyemezo no kurindwa ihohoterwa
Madamu Jeannette Kagame yavuze ko abagore n’abakobwa bakeneye serivisi z’ubuvuzi zubatse neza, no guhabwa uburezi bufite ireme bagafashwa kuzamura ijwi ryabo rikumvikana, kandi bakagira uruhare mu ifatwa ry’ibyemezo barindwa ihohoterwa.
Yabigarutseho ubwo yagezaga ijamno ku bitabiriye inama yiga ku iterambere ry'umugore n'umwana w'umukobwa yiswe Women Deliver 2023 iri kubera i Kigali, ni na bwo bwa mbere ibereye muri Afurika.
Jeanette Kagame asanga buri wese agomba kubigiramo uruhare no gushaka ubushobozi bwakoreshwa ngo umugore n'umukobwa barindwe ihohoterwa.
Ati “Kugira ngo abagore bagire ubuzima bwiza bakeneye guhabwa uburyo bw’ubuvuzi buhamye, guha serivisi abazikeneye bose, ubuvuzi bwubatse neza ni bwo bushobora gukangurira abaturage kurinda ubuzima bwabo n’ubw’imiryango yabo. Iyo mikorere ni yo yihutisha uburyo bwiza bwo guhitamo ku bagabo n’abagore. Hagomba kubaho ubushake bwa politiki, guteza imbere ndetse no gukoresha imari yose ikenewe mu rwego rw’ubuvuzi, bigashyirwamo imbaraga bityo ingengo y’imari n’amabwiriza bigahurizwa hamwe mu mashami yose y’Igihugu”.
Muri iyi nama haganiriwe ku birebana no guha uburenganzira umukobwa n'umugore, mu gufata ibyemezo mu bibakorerwa.
Raporo ya 2019 y’Ihuriro ry’Abagize Inteko zishinga Amategeko (IPU), yerekana ko kuva mu 2017, u Rwanda ruri mu bihugu icyenda bifite abagore nibura 50% mu myanya ya ba Minisitiri cyangwa abanyamabanga ba Leta.
Comments
No comments
Leave a comment
www.ijambo.net is a product of YIRUNGA LTD.
We are here to provide with our professionals in advertisement and news so that our partnership will take your business one step ahead/
We focus on simplicity advertisement.
contact us/Twandikire
Rwanda,Western Province,Rubavu District,Kivumu cell
phone: 0781000112 / 0788989706
email: info@ijambo.net
Digital Marketing & Advertising
Social Media consultancy
Public Advertisement and Announcements
Branding and Promotion
Media Relation
Documentaries & Photography
Graphic design
Live streaming
Marketing campaign
Event management and Organising
Online Radio and TV
Community show