Inzara idasanzwe abasirikare ba SADC  bafite igiye gutuma basubira  mu bihugu byabo

Ingabo z'umuryango wa SADC zoherejwe mu butumwa bwo kugarura amahoro muri Repubulika Iharanira Demukarasi ya Congo zibayeho mu buryo bugoye kuko inzara bari guhura nayo ubwayo n'urugamba rukomeye bamwe bashobora gutsindwa.

Abasirikare bagera kuri 600 bo muri Afurika y'Epfo nibo batangajeko babayeho mu buryo bubaje cyane kuko bategekwa gusangira ubwiherero butandatu gusa, kandi amafunguro bahabwa akaba adahagije kandi nta buziranenge aba afite.

Aya makuru yatangajwe n'urubuga 'Newzroom' rwo muri Afurika y'Epfo rubinyujije kuri X aho abasesenguzi batandukanye babibagarutseho bavugako niba ntagikozwe mu maguru mashya bizatuma abasirikare bashirira muri DRC.

Mbere yuko izi ngabo zoherezwa muri DRC bamwe mu bayobozi bo muri icyo gihugu bari bavuze ko ingabo zabo zitagomba kujya guhangana na M23 kuko yo imenyereye iduce irwaniramo ariko birangira boherejwe mu mpera za 2023.

Kuva izi ngabo zagera muri Repubulika Iharanira Demukarasi ya Congo aho zahuriye n'iza Malawi na Tanzania nta rugamba na rumwe ziratsinda ahubwo zikaba zikomeje gutakaza bamwe mu basirikare babo.

Abasesenguzi batandukanye bavugako ibyo bishobora gutuma izi ngabo zirambirwa zigasubira ho zaturutse kubera n'ubuzima bubi zivugako zibayemo.