Gakenke: Inyamanswa z’inkazi zongeye kwica ihene eshanu.

Nyuma y’ibyumweru bibiri imbwa zo mu gasozi zizwi nk’ibihomora ziteye abaturage bo mu Kagari ka Huro, mu Murenge wa Muhondo mu Karere ka Gakenke zikica amatungo umunani arimo ihene esheshatu n’intama ebyiri bizezwa ko izo mbwa zamaze kwicwa, zagarutse zisanga ihene ku gasozi aho ziziritse zicamo eshanu ku wa mbere tariki 09 Ukuboza 2024.

Ni amakuru ashimangirwa na Meya w'aka Karere ka Gakenke Mukandayisenga Vestine, uvuga ko bari bageragije kwica zimwe muri izo mbwa mu minsi yashize.

Mu butumwa ubuyobozi bw’Akarere ka Gakenke banyujije kurukuta rwa X, bashishikareije abaturage kudasiga amatungo ku gasozi mu rwego rwo kwirinda ko izi mbwa z’ibihomora ziyasangayo zikayarya.

Yanditswe na Nsengimana Donatien.