Ese ubundi igitabo cya sekibi ni bwoko ki? Sobanukirwa n’amateka ya cyo.

Codex Gigas, izwi  ku izina rya Bibiliya ya Sekibi, izwi cyane kubera impamvu ebyiri: bivugwa ko ari yo nyandiko nini yandikishijwe intoki ku isi (Codex Gigas isobanura "igitabo kinini") kandi ikubiyemo amashusho manini ya Sekibi.

Iyi nyandiko yandikishijwe intoki yakozwe mu ntangiriro z'ikinyejana cya 13 mu kigo cy'abihaye Imana cya Benedigito cya Podlažice muri Bohemia, ubu kikaba cyarahindutse Repubulika ya Ceki.

Iki gitabo gifite uburemere bungana kg 74.8 (165 lb), Codex Gigas igizwe namababi 310 ya velomu bivugwa ko yakozwe mu ruhu rwindogobe 160, cyangwa wenda uruhu rwinyana, rufite m2 142,6 (metero kare 1,535).

Iyi nyandiko ikubiyemo amatara atukura, ubururu, umuhondo, icyatsi, na zahabu. Kugira ngo usome iki gitabo ucyumve, ugomba kuba warize ikilatini kuko cyanditswe muri urwo ririmi.

Dukurikije amateka ya Codex yakozwe na Herman The Recluse ubwo yari mu kigo cy’abihaye Imana cya Benedigito giherereye i Podlazice hafi ya Chrudim muri Repubulika ya Ceki yasenywe mu kinyejana cya 15 mu gihe cya Revolution ya Hussite, ariko ubu kibarizwa mu nzu ndangamurage y’umujyi wa Chrast.

Avuga ko iki gitabo cya sekibi ko cyavumbuwe mu kigo cy’abihaye Imana mu 1844 n’umuhanga mu bya Bibiriya wo mu Budage akaba n’umuhanga mu bucukumbuzi bw’ibyataburuwe mu matongo, witwa Constantin Von Tischendorf  mu myaka yo hambere. Yavuze ko yasanze impapuro z’iki gitabo mu gitebo cyibyataburuwe, ariko iy’ingingo ntiyayemeranyijeho n’Abamonaki, kuko bo bavuga ko kitataburuwe ko hubwo cyanditswe n’uwo muhanga.

Gusa ibiri muri iki gitabo, nk’uko babigaragaje, bavuga ko kugaragaza ububasha buri muri sekibi kandi ko abugaragariza mu bamwubaha nabagerageza gukorera imbaraga z’umwijima.