DRC:Hadutse icyorezo cyiri gufata ibitsina by'abakoze imibonano mpuzabitsina idakingiye

Muri Repubulika Iharanira Demukarasi ya Congo muri Kivu zombi haravugwa icyorezo cyidasanzwe cyiri gufata ibitsina by'abantu bakoze imibinano mpuzabitsina idakingiye.

Abatuye muri ibi bice bavuga ko bahangayikishijwe n'icyo cyorezo kuko uwo gifashe ntabwo yongera gukora imibonano mpuzabitsina kuko biba bitagishiboka.

Kivu Morning Post dukesha iyi nkuru yanditse ko iyi ndwara yatangiye ari imiburu mito ifata ibitsina by'aba bagabo n'abagore babaga bakoze imibonano mpuzabitsina idakingiye ariko ngo uko iminsi ishira niko utwo duheri dukura cyane kugeza tumenetse ku buryo gukora imibinano mpuzabitsina biba bitagishobotse.

Abakurikiranira hafi iby'icyi cyorezo bavuga ko  hataramenyekana impamvu iri kugitera ariko bongeraho ko  cyaba gituruka ku nkende.

Mu gihe hari gukorwa ubushakashatsi kuri iki cyorezo inzego zishinzwe ubuzima muri Repubulika Iharanira Demukarasi ya Congo ziraburira abantu batarashaka kwirinda gukora imibonano mpuzabitsina idakingiye kuko ari hamwe iki cyorezo cyiri gukunda kwandurira.