DRC yahagaritse ibikorwa byose bitari ibya siporo kuri sitade nyuma y'igitaramo cyapfiriyemo abantu 9
Ubutegetsi bwa Repubulika ya Demokarasi ya Congo bwahagaritse ibikorwa byose bitari ibya siporo kuri 'stade des Martyrs' na 'stade Tata Raphaël', mu murwa mukuru Kinshasa, nyuma yuko abantu icyenda bapfiriye kuri 'stade des Martyrs' abandi 19 barakomereka mu gitaramo cy'umuhanzi w'indirimbo zihimbaza Imana.
Minisiteri y'ubutegetsi bw'igihugu ivuga ko abapfiriye muri icyo gitaramo cyo ku wa gatandatu cy'umuririmbyi n'umwanditsi w'indirimbo za 'gospel' Mike Kalambay, bishwe no kubura umwuka bitewe n'abantu benshi baje mu gitaramo.
Kalambay, w'imyaka 44, ni umwe mu bahanzi ba 'gospel' bakunzwe cyane muri DR Congo, akaba ajya akorera n'ibitaramo hanze y'igihugu nko ku mugabane w'Uburayi.
Akurikirwa n'abantu barenga 700,000 kuri Instagram, abarenga 600,000 kuri konti ye yo kuri Facebook, n'abarenga 400,000 ku rubuga rwa YouTube.
Minisitiri w'intebe wungirije akaba na minisitiri w'ubutegetsi bw'igihugu n'umutekano, Jacquemain Shabani, yavuze ko mu nama y'abategetsi yabaye ku cyumweru, hafashwe icyemezo cyo guhagarika "by'agateganyo" ibikorwa byose bitari ibya siporo kuri ibyo bibuga byombi "kugeza hatanzwe irindi tangazo".
Minisitiri w'ubutabera wa DR Congo, Constant Mutamba, yategetse ko hakorwa iperereza, no guhata ibibazo abapolisi bari boherejwe gucunga umutekano kuri 'stade des Martyrs', no guhata ibibazo abo mu kigo 'Maajabu Gospel' cyateguye icyo gitaramo.
Mu itangazo ikigo 'Maajabu Gospel' cyasohoye nyuma y'icyo gitaramo, cyavuze ko kibabajwe cyane no kumenya ko hari abapfuye.
Mu mwaka wa 2022, umubyigano kuri icyo kibuga n'ubundi wapfiriyemo abantu 11 mu gitaramo cy'umuhanzi w'icyamamare w'Umunye-Congo Fally Ipupa
Comments
No comments
Leave a comment
www.ijambo.net is a product of YIRUNGA LTD.
We are here to provide with our professionals in advertisement and news so that our partnership will take your business one step ahead/
We focus on simplicity advertisement.
contact us/Twandikire
Rwanda,Western Province,Rubavu District,Kivumu cell
phone: 0781000112 / 0788989706
email: info@ijambo.net
Digital Marketing & Advertising
Social Media consultancy
Public Advertisement and Announcements
Branding and Promotion
Media Relation
Documentaries & Photography
Graphic design
Live streaming
Marketing campaign
Event management and Organising
Online Radio and TV
Community show