Umukuru w'ubutasi bwa gisirikare bwa Israel yeguye
Umukuru w'ubutasi bwa gisirikare bwa Israel yeguye, avuga ko yirengera ibyo iki gihugu cyananiwe mbere y'igitero cya Hamas muri Israel cyo ku itariki ya 7 Ukwakira mu 2023.
Igisirikare cya Israel (IDF) cyavuze ko Jenerali Majoro Aharon Haliva, w'imyaka 56, azava kuri uwo mwanya akajya mu kiruhuko cy'izabukuru igihe umusimbura we azaba amaze gutoranywa.
Mu ibaruwa yanditse, yemeye ko ubuyobozi bwe bw'ubutasi "butakoze neza imirimo bwari bushinzwe".
Ni we mutegetsi wa mbere wo ku rwego rwo hejuru weguye kubera icyo gitero, cyabaye icya mbere cyiciwemo abantu benshi cyane mu mateka ya Israel.
Abategetsi ba gisirikare n'ubutasi ba Israel ntibigeze bamenya cyangwa ngo birengagize kuburirwa , mbere yuko abagabo bitwaje imbunda babarirwa mu magana bo mu mutwe wa Hamas bamenera mu ruzitiro rw'umupaka na Gaza kuri uwo munsi, bagatera imidugudu yo muri Israel iwegereye, ibigo bya gisirikare biwegereye hamwe n'iserukiramuco ry'umuziki ryaberaga hafi aho.
Abanya-Israel hamwe n'abanyamahanga hafi 1,200 bose hamwe biganjemo abasivile barishwe, naho abandi 253 barashimutwa bajyanwa muri Gaza, nkuko imibare ya Israel ibigaragaza.
Israel yasubije uwo mutwe igaba igitero cyo kwihorera ikaba yaravuyemo intambara ya mbere ikaze ikoreye muri Gaza kugeza ubu, igamije gusenya Hamas no kurekura abashimuswe.
Minisiteri y'ubuzima ya Gaza igenzurwa na Hamas ivuga ko Abanye-Palestine barenga 34,000 biganjemo abana n'abagore bamaze kwicirwa muri iyo ntambara.
Comments
No comments
Leave a comment
www.ijambo.net is a product of YIRUNGA LTD.
We are here to provide with our professionals in advertisement and news so that our partnership will take your business one step ahead/
We focus on simplicity advertisement.
contact us/Twandikire
Rwanda,Western Province,Rubavu District,Kivumu cell
phone: 0781000112 / 0788989706
email: info@ijambo.net
Digital Marketing & Advertising
Social Media consultancy
Public Advertisement and Announcements
Branding and Promotion
Media Relation
Documentaries & Photography
Graphic design
Live streaming
Marketing campaign
Event management and Organising
Online Radio and TV
Community show