Umukino w’ishiraniro FC Barcelon na Real Madrid: Icyo imibare yerekana mbere y’umukino.

Uyu munsi  ku wa Gatandatu  tariki ya 26 Ukwakira 2024 saa tatu za n’ijoro, hategerejwe umukino w’ishiraniro uza guhuza Real Madrid na FC Barcelonkuri Estadio Santiago Bernabéu akaba ari naho iy’ikipe y’Ibwami isanzwe yakiriraho imikino yayo.

Amakipe yombi agiye guhura amaze iminsi yitwaye neza muri UEFA Champions League yabaye hagati muri iki cyumweru, kubera ko  Real Madrid yakinnye na Borussia Dortmund iyikabukira inayirusha cyane ibitego bitanu kuri bibiri harimo bitatu bya Vinicius Junior washimangiye ko ashobora kwegukana Ballon D’or ya mbere muri uyu mwaka .

Mu gihe kurundi ruhande FC Barcelona nayo yatsindaga Buyern Munich ifatwa nk’umwami mu Budage iyitsinda ibitego bine kuri kimwe harimo bitatu bya rutahizamu Raphihna ndetse birangira  yegukanaye igihembo cy’umukinnyi wahize abandi muri uwo mukino wabaye ku wa gatatu.

Abakinnyi bo kwitega kuri uyu mukino harimo Vinicius Junior na Raphihna bose banahagaze neza.

Mbere yuko Mbappe yinjira muri Realmadrid yatangaje ko umukino azishimira gutsindamo igitego ari uwo azahuriramo na Barcelona (El Classico. Ese inzozi ze arazikabya mu ijoro rya none?

Mbappe amaze gutsindira ibitego 6 ikipe ya  Real Madrid akaba ariwe uhiga abandi kuko umukurikiye afite bitanu ariwe Vinicius Junior.

Abakinyi bari mu mvune kurunde rwa Real Madrid. Dani Carvajal, David Alaba, Rodrygo na Thibaut Courtois bose bafite imvune.

Barcelona nayo iraza gukina idafite Kapiteni Marc Andre Ter Stegen, Ferran Torres, Ronald Araujo, Andreas Christensen, Eric Garcia na Marc Bernal.

Real Madrid bidahindutse yabanzamo  abakinnyi 11 bakurikira: Lunin, Vazquez, Rudiger, Militao, Mendy, Tchouameni, Camavinga, Valverde, Bellingham, Vinicius, Mbappe.

FC Barcelona bidahindutse yabanzamo abakinnyi 11 bakurikira: Peña, Kounde, Cubarsi, Martinez, Balde, Casado, Pedri, Fermin, Yamal, Raphinha, Lewandowski.

Kugeza ubu FC Barcelona niyo iyoboye urutonde rwa shampiyona muri Esipanye na manota 27 irarusha Real Madrid amanota atatu bivuze ko itsinze zahita zinganya amanota zigatandukanwa n’ibitego zi zigamye.

Mu mikino itanu iherutse guhuza aya makipe yombi ,Real Madrid yatsinzemo itatu,Barcelona itsinda ibiri. Ni imikino ikunda kubonekamo ibitego kuko mu mikino icumi yahuje aya makipe yombi ntanumwe zigeze zinganya.

Nsengimana Donatien.