FARDC iri gusaba u Bushinwa 100,000 $ kugira ngo harekurwe abaturage bayo yashimuse.

.

Ambasade y’igihugu cy’u Bushinwa iri i Kinshasa yamenyesheje minisiteri y’ubanyi n’amahanga y’iki Gihugu cya RDC ko abasirikare ba FARDC bayowe na Col John Kibangu bashimuse abashinwa batatu mu ntara ya Lualaba.

Ambasade y’u Bushinwa yabimenyesheje Minisiteri y’Ububanyi n’amahanga, ikoresheje inyandiko yerekano ko abashinwa bashimuswe ku wa 30 Nzeri 2024.

Iyi nyandiko igaragaza ko bashimuswe ubwo bari mu kirombe giherereye mu gace ka Kolwezi,  aho abashimuswe  barimo  umuyobozi wa sosiyete ya Good Time Steel Congo Investment SARL ikorera ubucukuzi bw’amabuye y’agaciro muri Kolwezi Wang Xianglong, muri Lualaba.

Aba bashinwa bashimutswe  bashinjwa gutunga amasasu mu buryo bunyuranyije n’amategeko. N’ubwo ibi byakozwe nta kimenyetso na kimwe cyagaragazaga ko bafite imbunda, banyiri gushimuta ubu bari gusaba100,000 y’amadolari y’Amerika kugira ngo barekurwe.

Ambasade iti “Aba basirikare bataye muri yombi abashinwa batatu, basaba iyi sosiyete kwishyura amadorali 100,000 kugira ngo barekurwe. Kugeza ubu  icyumweru kirarangiye sosiyete itagishobora kuvugana n’abashimutswe.”

Muri izo nyandiko kandi za ambasade y’u Bushinwa zamaganye ishimutwa ry’abantu babo, isobanura ko rinyuranyije n’amategeko n’uburenganzira bw’abanegihugu. Yanasabye Guverinoma ya Kinshasa gukurikirana iki kibazo mu maguru mashya.

Nsengimana Donatien.