Volleyball ryo: Uko amakipe yitwaye mu mikino yo kwibuka Padiri Kayumba Emmanuel

Ku Cyumweru tariki 9 Werurwe 2025, mu rwunge rw’amashuri rya Butare (Groupe Scholaire Officiel de Butare), habereye irushanwa ngarukamwaka ryo kwibuka Padiri Kayumba Emmanuel, aho amakipe ya APR VC mu bagore na Gisagara VC mu cyiciro cy’abagabo yegukanye ibikombe.

Ni irushanwa ryakinwaga ku nshuro ya 15, rikaba ryari rimaze kuba ikimenyabose mu Rwanda, aho ryahuriraga amakipe atandukanye y’abagabo n’abagore, harimo amakipe akomeye yo mu gihugu, mu mukino wa Volleyball wiharira umwanya munini.

APR VC, ikipe y’abagore, yegukanye igikombe nyuma yo gutsinda Kepler VC mu mukino wa nyuma, amaseti 3-2. Mu cyiciro cy’abagabo, Gisagara VC yegukanye igikombe itsinze East African University Rwanda, amaseti 3-0.

Uretse Volleyball, iri rushanwa ryagiye ryaguka rigashyiramo imikino nka Volleyball yo ku mucanga (Beach Volleyball), Koga (Swimming) no gusiganwa ku magare (cycling), bigaragaza ko abategura iri rushanwa baharanira guteza imbere impano mu mikino itandukanye.

Iri rushanwa riri ku nshuro ya 15 ryabaye urwibutso rukomeye kuri Padiri Kayumba Emmanuel, umuyobozi w’umwimerere wa Groupe Scolaire Officiel de Butare, akaba kandi yarakurikiranye bya hafi iterambere ry’umukino wa Volleyball mu Rwanda. Padiri Kayumba yitabye Imana muri 2009, maze mu 2010 hatangira iri rushanwa ry’uyu mukino rikomeza kuba ikimenyabose.