Rwasamanzi Yves na Jimmy Mulisa bahamagaye abakinnyi 31 bazifashisha ku mukino wa Sudani y’Epfo.

Niyonzima Olivier ‘Seif’ ari mu bakinnyi bahamagawe mu Ikipe y’Igihugu ‘Amavubi’ izahura na Sudani y’Epfo tariki ya 22 n’iya 28 Ukuboza 2024 mu ijonjora rya nyuma rya CHAN.

Kuri uyu wa kane ni bwo abatoza babiri b’Amavubi ya CHAN, Rwasamanzi Yves na Jimmy Mulisa, batangaje urutonde rw’abakinnyi bagomba gutangira umwiherero ku cyumweru tariki ya 15 Ukuboza 2024 Saa tatu za Mugitondo. Ni umwiherero uzaba utegura imikino ibiri bafitanye na Sudan y’Epfo, aho izasezerera indi izaba yiyongereye amahirwe yo kuzakina CHAN 2024 izakinwa mu ntangiriro za 2025.

Mu bakinnyi biyongereye ku bari bakinnye umukino w’ijonjora rya mbere aho Amavubi yasezereye Djibouti, harimo myugariro Emery Bayisenge uheruka gusinyira ikipe ya Gasogi United, ndetse na Niyonzima Olivier Sefu ukina hagati mu ikipe ya Rayon Sports.

Andi masura yagarutse mu ikipe y’igihugu "Amavubi" arimo rutahizamu wa Police FC Mugisha Didier utari wahamagawe mu mikino iheruka, ndetse na Bizimana Yannick ukinira ikipe ya Bugesera FC.

Umukino wa mbere u Rwanda ruzawukinira muri Sudani y’Epfo, ku Cyumweru, tariki ya 22 Ukuboza, mu gihe uwo kwishyura uzabera mu Rwanda, ku ya 28 Ukuboza 2024.

Abakinnyi bahamagawe

Abakina mu izamu

Adolphe Hakizimana

Gad Muhawenayo

Fils Habineza

Abakina bugarira

Fitina Omborenga

Gilbert Byiringiro

Claude Niyomugabo

Hakim Bugingo

Clement Niyigena

Yunusu Nshimiyimana

Nsabimana Aimable

Emery Bayisenge

Prince Buregeya

Abakina hagati mu kibuga

Bosco Ruboneka

Pacifique Ngabonziza

Niyonzima Olivier ‘Seif’

Ntirushwa Aime

Benedata Janvier

Kevin Muhire

Mugiraneza Froduard

Abakina bashaka ibitego

Olivier Dushimimana

Harerimana Abdalaziz

Arsene Tuyisenge

Niyibizi Ramadhan

Mugisha Gilbert

Hadji Iraguha

Usabimana Olivier

Didier Mugisha

Taiba Mbonyumwami

Mubarakh Nizeyimana

Bizimana Yannick

Habimana Yves