Nta mvura idahita: Kera kabaye Kiyovu Sports ibonye intsinzi nyuma yo kwisengerera Etincelles FC.

Kuri uyu wa gatanu tariki 22 ugushyingo 2024, ikipe ya Kiyovu Sports yakinnye n’ikipe ya Etincelles FC mu mukino w’umunsi wa 10 wa shanpiyona. Igitego cya Mbonyingabo Regis ku munota wa 90+6, ni cyo cyahesheje Kiyovu Sports intsinzi nyuma yo gutsinda Etincelles FC ibitego 2-1.

Ni umukino watangiye ku isaha ya saa cyenda z’amanwa ubera kuri Kigali Pele Stadium. Watangiye ikipe zombi zikina ubona ntayatinye indi ariko uko iminota igenda izamuka niko umukino washyuhaga ku mpande zombi.

Ikipe ya Kiyovu Sports yifuzaga kubona amanota 3 ya kabiri kuva shampiyona yatangira, yaje kubona igitego ku munota wa 49 w’igice cya kabiri.

Etincelles ku munota wa 82 yishyuye iki gitego ariko Kiyovu Sports ku munota wa 96 ibona igitego cya kabiri, itahana intsinzi.

Nta munota washize, kuko umusifuzi yahise ahuha mu ifirimbi avuga ko umukino urangiye. Kiyovu Sports yahise ibona intsinzi ya Kabiri ihita igira amanota atandatu mu mikino icyenda imaze gukina ibi byatumye yicara ku mwanya wa 15 by’agateganyo, naho Etincelles FC yo yagumanye amanota 8, isubira i Rubavu  yimwiza imoso.