Imibare itangazwa igaragaza ko u Rwanda ruhagaze neza mu guhashya icyorezo cya Marburg.

MINISANTE yatangaje imibare mishya igaragaza uko icyorezo gihagaze mu Rwanda,  Minisiteri y’Ubuzima yayitangaje ejo  ku wa Kane tariki 10 Ukwakira 2024, ivuga ko abandi bantu batatu bakize icyorezo gikwarakwizwa na virusi ya Marburg.

Abamaze gukira bose hamwe  ni 15, kuri uwo munsi  nta wapfuye azize icyo cyorezo, nta n’uwanduye mushya wabonetse, abakiri kwitabwaho n’abaganga  ni 30. Indwara ya Marburg mu Rwanda imaze kuboneka mu bantu 58. Abantu 13 muri bo barapfuye.

Minisiteri y’Ubuzima isobanura ko kuva hatangazwa ko indwara ya Marburg yageze mu Rwanda, abarwayi bashya n’abo bahuye bagiye baboneka muri bimwe mu bitaro byo mu Mujyi wa Kigali, bose bashyizwe mu kato kandi bitabwaho n’abaganga.

Ku Cyumweru tariki 06 Ukwakira 2024 nibwo Minisiteri y’Ubuzima yatangiye gukingira, kugeza ku wa Kane tariki 10 Ukwakira 2024 abari bamaze gukingirwa ni 346, himbandwa ku bahuye n’abarwayi,  ndetse nabakora imirimo yo kwa muganga.

Imibare itangazwa igaragaza ko u Rwanda ruhagaze neza mu guhashya icyorezo cya Marburg, dore ko hari n’abamaze guhabwa urukingo

Mu gihe kandi ibipimo bifatwa bigaragaza ko iyi Virusi  itari yakwira mu Rwanda nk’uko MINISANTE ibitangaza.

Donatien Nsengimana.