Ibintu by’ingenzi abasore bibandaho mu gushaka umukobwa bakundana.

Muri sosiyete y’iki gihe, imico n’imyitwarire y’umukobwa ni kimwe mu bintu by’ingenzi byibandwaho n’abasore mu gushaka umukobwa bakundana. Nubwo imiterere y'inyuma ishobora kuba igihangayikishije, ubushakashatsi bwagaragaje ko abasore bashimishwa cyane n’abakobwa bafite imico myiza.

Abasore benshi bakunda umukobwa useka kenshi kandi uzi gutera urwenya, kuko babona ko yisanzuye kandi yishimye. Aba bakobwa, bibagaragariza ko bazagira umubano mwiza mu gihe bazaba bari kumwe. Ikindi, abasore bakunda abakobwa bakunda abana, kuko babibona nk’ikimenyetso cy’uko uwo mukobwa ashobora kuzaba umubyeyi mwiza.

Mu bindi bintu bikurura abasore, harimo abakobwa badakoresha telefone cyane igihe bari kumwe, kuko ibi bibaha icyizere ko umukobwa aha agaciro umwanya bari kumarana, kandi ko atari mu bwonko bwe gusa. Abasore kandi bishimira abakobwa bafite intego mu buzima, abagira umurava, kandi wihangira imirimo. Abo bakobwa bashobora kuba abashaka kubaka umuryango ukomeye kandi wunguka.

Abasore bakunda kandi abakobwa bafite impano, nko kuririmba, nubwo bataba abahanga mu gucuranga cyangwa kuririmba neza, kuko bakunda kwishimira impano y’umukobwa. Iyo umukobwa afite imico myiza, yifata neza mu bandi, kandi akamenya kuganira neza, aba akurura abasore.

Ikindi gikurura abasore ni umukobwa wifitiye icyizere, ariko utarenze ku gipimo cy’ubwiyemezi. Abasore bakunda umukobwa ufite icyizere ariko atari uwishyira hejuru, kuko bigaragaza ko ashobora kubana nabo mu buryo bwiza no gutera imbere.

Ibi byose bisobanura ko kugira umubano mwiza bisaba kuba umuntu w'ukuri, ukaba nyamwihariko mu byo ukora, ariko ukibanda ku mico myiza. Ntibivuze ko umukobwa agomba guhindura imiterere ye kugira ngo akundwe, ahubwo ni ngombwa gukomeza kuba uwo ari we ubundi ukaba ukundwa mu buryo bw’umwihariko.