Hasohotse ingengabihe ya Shampiyona y’ubwongereza

Hasohotse ingengabihe ya shampiyona y’ubwongereza, ikipe ya Arsenal FC yisanga izabanza gukina na Manchester United.

Kuri uyu wa gatatu tariki 18 Kamena 2025, saa Tatu za mu gitondo nibwo abashinzwe gutegura shampiyona y’ubwongereza bashyize ahagaragara uko amakipe azagenda ahura muri uyu mwaka w’imikino.

Umwe mu mikino itegereje ku munsi wa mbere wa shampiyona ni uwuzahuza ikipe ya Manchester United na Arsenal FC. Uyu mukino uzaba tariki 17 Kanama 2025 kuri Old Trafford.

Indi mikino itegerejwe cyane ni ugomba guhuza ikipe ya Aston Villa ndetse na Newcastle United tariki 16 kanama 2025, ubere Villa Park Stadium saa sita z’amanwa.

Indi mikino ikomeye kuri uyu munsi wa mbere ni ugomba guhuza Liverpool FC na Bournemouth, Chelsea FC na Crystal Palace, Wolves na Manchester City. Muri uyu mwaka w’imikino amakipe 3 yazamutse arimo Burnley, Sunderland ndetse na Leeds United.

Iyi shampiyona y’ubwongereza izatangira tariki 15 kanama 2025. Umukino uzafungura shampiyona saison 2025-2026, ni uwuzahuza Liverpool FC yatwaye igikombe cya shampiyona saison 2024-2025 ndetse na Bournemouth.