FIFA  Rankings: Amavubi yisanze ku mwanya wa 126 ku Isi, Argentine iyoboye urutonde.

Ikipe y’igihugu y’u Rwanda ‘Amavubi’ yisanze ku mwanya wa 126 ruvuye ku mwanya 130, ikaba yazamutseho imyanya ine ku rutonde ngarukakwezi rw’impuzamashyirahamwe y’umupira w’amaguru ku Isi, FIFA.

Kuri uru rutonde rw’ukwezi k’Ukwakira, Amavubi  yiyongeyeho amanota 6.72 aho kuri ubu muri rusange afite amanota 1130.4.

Ibi bibaye nyuma y’uko ikipe y’igihugu y’u Rwanda, Amavubi, iheruka gutsindwa n’ikipe y’igihugu ya Benin ibitego 3-0 mu mukino ubanza naho mu wo kwishyura igatsinda Benin ibitego 2-1 mu mukino wabereye muri Stade Amahoro mu gushaka itike y’igikombe cy’Isi cya Afurika cya 2025 kizabera muri Morocco.

Ibihugu icumi bya mbere biyoboye  uru rutonde.

Nta mpinduka zabaye mu myanya 10 ya mbere ku Isi, dore uko  bikurikirana:  Argentine, u Bufaransa, Espagne, u Bwongereza, Brésil, u Bubiligi, u Buholandi, Portugal, Colombia n’u Butaliyani.

Ibihugu bitandatu byambere muri Afurika.

Muri Afurika bayobowe na  Maroc, Sénégal, Misiri, Nigeria , Algeria na Côte d’Ivoire.

Donatien Nsengimana.