Perezida Paul Kagame aragirira uruzinduko rw’akazi muri Tanzania 

Nkuko byatangajwe na Minisiteri y’Ububanyi n’Amahanga ya Tanzania kuva kuri uyu wa Kane tariki ya 27 Mata 2023, Umukuru w’igihugu cy’u Rwanda aragirira uruzinduko rw’akazi rw’iminsi 2  muri Repubulika yunze Ubumwe ya Tanzania.

Peredida Kagame agiriye uruzinduko muri iki gihugu nyuma y'urwa Perezida Samia wa Tanzania muri Kanama 2021.

Umubano w’ibi bihugu usanzwe ari ntamakemwa, ndetse bifitanye amasezerano arimo ay’ubufatanye mu ikoranabuhanga n’itumanaho,  ay’ubufatanye mu bijyanye n’urujya n’uruza rw’abantu n’ibintu, uburezi ndetse n’amabwiriza agenga ibijyanye n’imiti.  

Guverinoma ya Tanzania yatangaje ko yishimiye uru ruzinduko kandi ko umubano w’ibihugu byombi ushingiye kuri dipolomasi  ndetse n’ubufatanye bw’ibihugu byombi mu nzego zirimo ubucuruzi n’ishoramari, ingufu, ubucukuzi, uburezi  n’umuco ari ibyo kwishimira.

Yanditswe na Murwanashyaka Sam