Impanuka ya gariyamoshi yahitanye abantu 4 abandi  barakomereka

Abashinzwe ubutabazi  mu Ntara ya Java muri Indoneziya batangaje ko abantu 4 aribo baguye mu mpanuka ya gariyamoshi mu gihe abandi 37 bakomeretse.

Amakuru atangwa n'ibinyamakuru byo muri Indoneziya avuga ko abapfuye ari abashoferi bizo gariyamoshi ndetse n'ababafasha,abagenzi 478 bari batwawe n'izo gariyamoshi bakomeretse.

Umuyobozi w'ibitaro byakiriye inkomere Acmad Hanapi,yatangaje ko abantu 21 bakomeretse bikabije.

Impanuka yabaye kuwa gatanu  tariki ya  05  Mutarama 2024 abashinzwe ubutabazzi  bahita bahagera batangira ubutabazi bwihuse gusa ubutabazi buracyakomeje.

Komite ishinzwe umutekano ku bijyanye n'ubwikorezi yahise itangiza Iperereza kucyateye iyo mpanuka.

Umuyobozi w'iyo komite M. Soerjanto Tjahjono yatangaje  ko ibizava muri  iryo perereza bizafata  amezi abiri cyangwa atatu kugirango bitangazwe.