Ikipe ya APR FC ifite igitekerezo cyo kwirukana  Darco Novic  mu gihe yaba atakaje undi mu kino.

Umunya-Serbia utoza ikipe ya APR FC Darco Novic yahawe umukino umwe gusa yawutsindwa agahita y’irukanwa.

Ikipe ya APR FC imaze iminsi irimo kwitwara nabi, ibintu bitishimiwe n’ubuyobozi bwa APR FC ndetse n’abakunzi b’iyi kipe muri rusange bose bashyira uyu musaruro nkene ku mutoza.

Darco Novic amaze iminsi agarukwaho cyane na benshi bitewe ni uko apanga ikipe ya APR FC ibanza mu kibuga ndetse no gusimbuza benshi ntibumvikane nawe mu buryo abikoramo ari nabyo bituma bemeza ko ari we utuma iyi kipe yitwara nabi.

Ubuyobozi bwa APR FC bumaze kubona byarabaye ibintu byinshi, amakuru atugeraho nuko Darco Novic yahawe umukino wa Muhazi United yawutsindwa agahita asezererwa.

Umutoza Darco Novic icyo baheraho cyane ni umusaruro afite kuva yafata ikipe ya APR FC kuko kugeza ubu iyi kipe muri shampiyona imaze gutsinda imikino 2 inganya imikino 3, ibintu bidakwiye kuri APR FC.

Uyu mutoza waje afite intego yo gufata APR FC akayigeza kure mu mikino nyafurika ya CAF Champions League ariko iyi kipe yaviriyemo mu cyiciro cya kabiri inyagiwe n’ikipe ya Pyramid FC ku giteranyo cy’ibitego 4-2.

Draco Novic yagiye mu gikombe cya CECAFA Kagame Cup yafashije ikipe ya APR FC kugera Final ariko iyi kipe ntiyatwara igikombe kandi ari yo yahabwaga amahirwe cyane.

Uyu mukino bivugwa ko Darco Novic yatezwe, ni umukino APR FC izakina nyuma yo kuva mu karuhuko k’ikipe y’igihugu y’u Rwanda irimo kwitegura gukina na Libya kuri uyu wa kane tariki 14 ugushyingo 2024.