Gasogi United yashimangiye umusumari Kiyovu Sports bituma iy’ikipe yitabaza abakomeye.

Kuri uyu wa kabiri, ikipe ya Kiyovu Sports yatsinzwe inarushwa cyane na Gasogi United ibitego 4-3 mu mukino w’umunsi wa Cyenda wa shampiyona y’Icyiciro cya mbere y’umupira w’amaguru, umukino wabereye kuri  Kigali Pelé Stadium.

Nyuma yo gutsindwa umukino wa karindwi wikurikiranya, abakunzi ba Kiyovu Sports batabaje Umukuru w’Igihugu, Paul Kagame. Iy’ikipe irikurushaho kugana habi ku rutonde rwa Shampiyona y’u Rwanda kuko kugeza ubu ifite amanota atatu gusa mu mikino umunani imaze gukina.

Abakunzi b’iyi kipe yo ku Mumena, basabye Umukuru w’Igihugu, Paul Kagame ndetse basaba Leta y’u Rwanda ko yabatabara kuko ikipe ya bo igeze habi.

Kugeza ubu Kiyovu Sports iri ku mwanya wa nyuma n’amanota atatu n’umwenda w’ibitego 14 nyuma y’imikino umunani imaze gukina.