DRC: Lieutenant General Christian Tshiwewe Songesha yasuye ingabo zibungabunga amahoro 

Umugaba Mukuru w’Ingabo za Repubulika Iharanira Demokarasi ya Congo, Lieutenant General Christian Tshiwewe Songesha, ku wa 10 Mata 2023 , yasuye Ingabo z’Umuryango wa Afurika y’Iburasirazuba, (EACRF) zoherejwe kugarura umutekano muri icyo gihugu, asobanurirwa uko umutekano wifashe mu Burasirazuba bwacyo.

Yakiriwe na Maj Gen Jeff Nyagah, uyoboye Ingabo za EACRF,  amusobanurira uko umutekano wifashe muri ako gace n’uburyo ingabo ze ziherutse koherezwa muri Congo zikomeje ibikorwa byo kugarura umutekano.

Ndetse kandi yanasuye ingabo z’igihugu zikorera muri ibi bice aho yari kumwe na Guverineri wa Kivu y’Amajyaruguru, Lieutenant-General Constant Ndima.

Ubwo yabazwaga n’itangazamakuru ikimugenza, uyu Mugaba w’Ingabo yajyize ati “nasuye ingabo zanjye. Ngomba kuzigenzura cyane ko turi mu bikorwa bitandukanye [byo kugarura umutekano]. Ni icyo kinzanye hano.”

Akoze uru rujyendo rwogusura izi ngabo za EACRF umu gihe M23 bahanganye ikomeje kurekura bimwe mu bice yari yarigaruriye mu rwego rwo kubahiriza imyanzuro y’inama z’abakuru b’ibihugu by’umuryango w’Afurika y’Ibyurasirazuba .

Lieutenant General Christian aherutse guteranyiriza hamwe imwe mu mitwe yitwaje intwaro bemeranya ubufatanye mu guha umusada ingabo ze zihanganye na M23.

Umwanditsi: Murwanashyaka Sam