Bidasubirwaho Manchester United yasinyishije Ruben Amorim nk’umutoza mukuru.

Ikipe ya Manchester United yatangaje ko yasinyishije umutoza w’umunya Porotigali w’imyaka 39 nk’umutoza mukuru  Ruben Amorim. Ibi iyi kipe yabitangaje inyuze kumbuga nkoranyambaga zayo kuri uyu wa gatanu tariki ya 1,Ugushyingo 2024, yanditse ko Ruben Amorim ariwe mutoza mushya wayo.

Uyu mutoza mushya yasinye amasezerano y’imyaka ibiri ni gice  akaba azamugeze muri 2027 ariko akazongererwa undi umwaka umwe mu gihe yaba yitwaye neza.

Ikipe ya Manchester United yanatangaje ko mbere yuko uyu mutoza mushya atangira inshinganoze azabanza gutoza imikino itatu ya Sporting.

Muri iyo mikino kandi  harimo uwo Sporting izakina na Estrela ,Manchester City muri Champions League kuwa wa kabiri utaha ndetse nuwa Braga ku cyumweru mbere yuko noneho atangira inshingano ze kuwa 11,ugushyingo 2024.

Rud Van Nistelrooy nawe wari waragizwe umutoza wu musigire azakomeza gutoza mbere yuko Ruben Amorim atangira inshingano aho azabanza gutoza imikino itatu irimo uwa Chelsea muri shampiyona uzaba ku cyumweru, PAOK Salonika kuwa kane muri UEFA Europa League ndetse na Leceister City .

Ikipe ya Sporting Lisbon ibinyujije ku rubuga rwa X yatangaje ko’’Sporting yasinyanye amasezerano na Manchester United yemeza amategeko na mabwiriza ajyanye n’igenda rwa Ruben Amorim kandi ko izishyura amadorari 11 ya mayero’’.

Ikindi amasezerano avuga ko Sporting izahabwa miliyoni 1.6 za mayero kugirango isese amasezerano bari bafitanye,kubera ko Ruben yari agifitanye amasezerano na Sporting.

Nsengimana Donatien.