Ababyeyi bagejeje Leta mu inkiko nyuma yuko abana babo bishwe n’umuti w’inkorora.

Umuti wakorewe mu gihugu cy’Ubuhinde w’inkorora,wahitanye abana 70 bo muri Gamabia nyuma yo gukoresha uyu muti abana bawukoresheje bagahita bahasiga ubuzima.

Icyibazo  cy’abana bahitanywe ny’uyu muti cyagaragajwe mu mpera z’umwaka ushize,abana bahitanywe n’uyu muti bose bagaragazaga ibimenyetso birimo umuriro ukabije,impyiko zaba zikananirwa gukora ndetse n’umuriro mwinshi.

Abana benshi bahitanywe n’uyu muti bivugwa ko bari munsi y’imyaka itanu,uyu muti  warimo uburozi burengeje urugero nkuko bitangazwa n’umuryango w’abibumbye ushinzwe ubuzima (WHO).

Umwe mu babyeyi bayoboye itsinda ry’ababyeyi batanze iki kirego witwa Ebrima Sagnia w’imyaka 44 yavuze ko iteka ahora yibuka uburyo  umwana we  yahoraga umubwira ko yamuvana mu bitaro akamucyura  akajya gikina n’abandi  bana, nawe  akamubwira ko agiye ku mujyana ariko bikarangira apfuye.

Avuga ko ababyeyi bakeneye ubutabera no guhabwa impoza marira kubera uburangare bwabaye  ku bakora uwo muti.

Aba babyeyi bararega minisiteri y’ubuzima muri Gambia, minisiteri y’ubutabera yo muri Gambia ndetse n’ikigo k’igihugu gishinzwe ubugenzuzi bw’imiti.

Urubanza rwatangiye kuburanishwa tariki ya 12 Nyakanga 2023,kuri tariki ya 24 ukwakira byari biteganijwe ko urubanza  ruburanishwa mu mizi ariko nta muntu n’umwe waje uhagarariye guverinoma ya Gambia wabonetse murukiko.

Urubanza rwongeye gushyirwa kuri tariki ya 7 Ugushingo 2023, abahagara riye guverinoma ya Gambia barobonetse  ariko  abakoze bagakwirakwiza uwo muti ntabwo babontetse , ibyatumye hanzurwa ko urubanza ruzaburanishwa mu impera z’Ugushingo uyu mwaka.