Rwamagana: Umunyeshuri wa Kaminuza yarohamye muri Muhazi arapfa

Umunyeshuri wigaga muri IPRC Gishari yarohamye mu kiyaga cya Muhazi giherereye mu Karere ka Rwamagana, ahita apfa, kuri uyu wa 15 Kanama 2023.

Uyu witwa Nshimiyimana John yari yajyanye na bagenzi be koga ariko we agira ibyago ararohama nk'uko byemezwa n'ubuyobozi bw'uyu Murenge.

Uyu munyeshuri wigaga mu mwaka wa mbere, akimara kurohama bagenzi be bagerageje kumutabra bamujyana kwa muganga, apfira ku bitaro.

Ubuyobozi bw'Umurenge wa Rwamagana buburira abajya koga muri kiriya kiyaga kubireka kuko akenshi habamo isayo, kandi gutabara uwarohamyemo bikaba bigoye kuko atari ahantu hagenewe kogerwa.

Ku munsi w'ejo mu Karere ka Rubavu na ho hamenyekanye amakuru y'umusore muto warohamye mu kiyaga cya Kivu ari kwitegura amarushanwa mpuzamahanga yo koga.