Nigeria:Umugore yashashwe n’ibise bitunguranye ahita abyarira muri gare

Umugore utavuzwe izina wo muri Nigeria yabyariye muri gare yo mu gace ka Lagos ubwo yafatwaga n’ibise mu buryo butunguranye ndetse ahita abyara.

Akimara gufatwa n’ibise abagore bakorera ubucuruzi aho hantu bahise bamufasha abyara neza kandi bikaba byashimishije benshi kuba yabashije kubyara neza.

Abashinzwe ubutabazi batangaje ko uwo mugore yabyaye umwana w’umuhungu ufite ubuzima bwiza.

Uyu mugore n’umwana we bahise bajyanwa mu bitaro bya Lagos State Emergency Management Agency (LAMESA) kugirango bakurikiranwe n’abaganga.

Umwe mu bakoresha urubuga rwa Facebook witwa Sunday Ogunsola yavuze ko uwo mwana agomba kwitwa ‘Abiona’ izina ry’ururimi rw’ikiyoroba risobanura uwavukiye ku rugendo.