Ibiciro by'ibikomoka kuri Peteroli byongeye kuzamuka 

Urwego ngenzuramikorere (RURA) rwavuguruye ibiciro bishya bya Mazutu na Lisansi aho kugeza ubu byatangajweko byazamutse kandi bigatangira kubahirizwa kuri uyu wa gatanu tariki ya 05 Mata 2024.

RURA yatangajeko igiciro cya Lisansi cyavuye ku mafaranga 1,637 Frw kuri Litiro kigera ku mafaranga 1,764 Frw bisobanuyeko igiciro cya Lisansi cyiyongereyeho amafaranga 127 Frw kuri Litiro.

Igiciro cya Mazutu cyavuye ku mafaranga 1,632 Frw kigera ku mafaranga 1,684 Frw kuri Litiro bivuzeko igiciro cya Mazutu cyiyongereyeho amafaranga 52 Frw kuri Litiro imwe. 

Ihindagurika ry'ibiciro by'ibikomoka kuri Peteroli byahindagurutse bitewe nuko bihagaze ku isoko mpuzamahanga,gusa  nyuma y'amezi ibiri nibwo RURA izongera gutangaza ibindi biciro bishya bivuguruye.