Gaza: 22 bapfiriye mu gitero cy’indege cyagabwe na Israel ku kigo cy’amashuri.

 Mu bitaro bya al-Aqsa i Deir el-Balah biherereye mu majyaruguru ya Gaza  bikomeje kwakira inkomere nyinshi, harimo nabari kuhagera bamaze kwitaba Imana, bitewe n’igitero ingabo za Israel zagabye ku kigo cy’amashuri, cyimaze guhitana abaturage 22.

Ingabo za Israel zatangaje ko zishe Abanyapalestine bane muri Khan Younis na batatu mu nkambi y’impunzi ya Jabaliya.

Ibi byatumye Umuryango w’abibumbye uhagarika amashuri n’ibitaro byo mu majyaruguru ya Gaza bitewe n’ibitero biremereye bikomeje kuhagabwa.

Ingabo za Israel zirwanira mu kirere zikomeje kutera ibisasu muri Libani, aho zahitanyeyo abaturage batanu, zanagabye ibitero ku ntara ya Homs na Hama muri Siriya, zangiza uruganda rw'imodoka  n’ibirindiro bya gisirikare.

Ingabo za Israel zigaruriye agace ka Yorodani y’iburengerazuba, iki gisirikare kandi cyarashe Abanyapalestine bane, barimo umuyobozi wa Brigade ya Al Aqsa Martyrs Brigade.

Muri Gaza, byibuze abantu 42,010 barapfuye abandi 97,720 bakomerekeye mu bitero bya Israel kuva mu Kwakira 2023.

Muri Israel, byibuze abantu 1,139 baguye mu bitero byagabwe na Hamas ku ya 7 Ukwakira 2023, abantu barenga 200 barajyanwa bunyago.

Donatien Nsengimana.