Etincelles FC yashyiriweho agahimbazamushyi gatubutse mu mukino bafitanye na Kiyovu Sports.

Kuri uyu wa Gatanu tariki 22 Ugushyingo 2024, Shampiyona y’icyiciro cya mbere hano mu Rwanda irasubukurwa hakinwa umukino urahuza ikipe ya Kiyovu Sports na Etincelles FC.

Ikipe ya Etincelles FC yashyiriweho agahimbazamusyi gatubutse mu gihe yaba itsinze ikipe ya Kiyovu Sports imaze igihe kinini itabona instinzi.

Ni umukino ukomeye cyane ukurikije uko amakipe yiteguye. Umuvugizi w’ikipe ya Kiyovu Sports amaze iminsi atangaza ko iyi kipe yabo igihe yatsinzwe cyararangiye aho igeze ngo igiya gutangira gushimisha abafana bayo.

Ibi Umuvugizi wa Kiyovu Sports Minani Hemed amaze iminsi atangaza, biragoye ukurikije uko ikipe bagiye guhura imeze nubwo nayo utavuga ko iri ku rwego rwo hejuru ariko Etincelles FC n’ikipe twabonye yihagararaho imbere ya APR FC na Rayon Sports kandi zifite ubushobozi kurusha Kiyovu Sports.

Amakuru twamenye nuko Etincelles FC agahimbazamusyi abakinnyi bahabwaga kangana n’ibihumbi 20 ubu kakubwe 2  kagera ku bihumbi 40 by’amafaranga y’u Rwanda.

Etincelles FC gutsinda Kiyovu Sports ntibyaba ari igitangaza kuko kuva Shampiyona yatangira imaze gutsinda umukino umwe indi mikino 7 yose yarayitsinzwe.

Kugeza ubu ikipe ya Kiyovu Sports iri ku mwanya wa nyuma n’amanota 3, naho ikipe ya Etincelles FC yo iri ku mwanya wa 13 n’amanota 8.